Граѓаните можат да плаќаат даноци преку интернет со безготовинските картички „виза“, „маестро“ и „мастеркард“ издадени од домашни банки. Потребно е да се регистрираат и да креираат кориснички профил на електронскиот сервис „е-Плаќање на даноци“ на https://etax.ujp.gov.mk/
– Услугата „е-Плаќање на даноци“ овозможува да заштедите време, да ги избегнете каматите за задоцнето плаќање и како даночен обврзник (физичко лице) да вршите интернет-преглед и плаќање на вашите даночни долгови за персонален данок, ДДВ и за радиодифузна такса – објаснуваат од УЈП.
Покрај електронско плаќање данок, со регистрацијата и со користењето на оваа услуга, граѓанинот може да врши преглед и во секое време да има увид во состојбата на даночните долгови.