Свет Балкан Голем пожар го зафати грчкиот остров Крф

Голем пожар го зафати грчкиот остров Крф

Голем шумски пожар го зафати грчкиот остров Крф и излегува од контрола, поради што локалните власти побараа да им бидат испратени авиони „канадери“ како помош при гаснењето на пожарот.

Шефот на пожарникарската служба на Крф, Апостолос Васдекис, за грчката агенција АНА, истакна дека пожарот избил далеку од населените места, но дека силниот ветер ги отежнува напорите на пожарникарите и тоа би можело да го насочи пожарот во непожелен правец.

Во гаснењето на пожарот учестуваат 24 пожарникари, седум пожарникарни возила и два помали авиони.

Причината за пожарот, кој гори на две непристапни места, засега не е позната.