Францускиот министер за финансии, Мишел Сапен, денеска соопшти дека официјален Париз повторно ќе ја стави Панама на списокот држави и територии што не соработуваат по прашања од даночната политика.
Одлуката на враќањето на листата доаѓа по објавувањето на „Панама пејперс“, кои открија дека државници и видни бизнисмени затајувале данок и переле пари во Панама.
Меѓународниот конзорциум за истражувачко новинарство, врз основа на досиејата што протекоа од панамската компанија „Мосак Фонсека“, почна истрага за офшор-бизнисите на светската елита.