Дрво падна врз жена на булеварот „Св. Климент Охридски“ во Скопје, кај зградата на поранешна „Нова Македонија“. Несреќниот настан се случи попладнево, по невремето кое го зафати главниот град. Жената е пренесена во болница, информираа од Центарот за управување со кризи (ЦУК).
Телевизија 21 објави видеоснимки од местото на настанот. На терен интервенирала и екипа на скопската противпожарна бригада.
На Единствениот повикувачки број за итни случаи 112 во ЦУК биле добиени повеќе пријави за штети и информации за опасности за граѓаните и околината, настанати од невремето што денеска зафати дел од градот.
Од ЦУК велат дека досега добиле пријави за 16 паднати дрвја, 3 оштетени автомобили, 7 откачени бандери и е оштетени кровови.