На традиционалната манифестација „Претприемач на годината – 2015“, беа доделени наградите за најдобрите претприемачи.
И оваа година беа доделени четири награди, по две во двете категории, врз основа на однапред утврдени критериуми за успешност.
Првата награда „Претприемач на годината 2015“ во категоријата мали претпријатија ја доби „Ламинати ком“ од Прилеп, а второнаградена во истата категорија е „Дени милк“ од Кочани.
Во категоријата микропретпријатија, првата награда отиде во рацете на Ељмедин Адеми од „Скрин медиа“ од Тетово, додека „Кала плакат“ од Скопје се закити со втората награда во оваа категорија.
Министерството за економија додели специјална награда – плакета за „Најдобра жена претприемач за 2015 година“.
Министерот Незири ја врачи оваа плакета на Анета Мустафоска од „Исиглас“ од Скопје, компанија за градежно-занаетчискии изведбени услуги.
Ова е деветта години по ред, преку промоција на најуспешните претприемачи во Македонија, континуирано да се подигнува свеста за значењето на претприемништвото во нашата земја.