Стабилно и топло време ќе преовладува во Македонија утре и в петок, со услови за слаба утринска магла по котлините, прогнозира Управата за хидрометеоролошки работи (УХМР).
За утре се очекува дневна температура меѓу 10 и 20 Целзиусови степени. Постудено ќе биде во планинските краеви на западот и на истокот на Македонија, а највисока температура се очекува на југоистокот.
Потоа ќе уследи промена на времето – во текот на ноќта в петок и в сабота над Македонија ќе помине влажен бран. Тој ќе донесе зголемување на облачноста и повремени врнежи од дожд, а на повисоките планини од снег. Повеќе врнежи се очекуваат во западните и во северните делови од земјава, прогнозира УХМР.