Цената на литар дизел ноќеска на полноќ ќе биде 72,5 денари, соопшти денеска Регулаторната комисија за енергетика (РКЕ). Оттаму информираат дека цените на бензините остануваат исти.
„РКЕ одлучи да се зголемат малопродажните цени на нафтените деривати во просек за 0,57 отсто во однос на одлуката од 10 јули. Референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 3,8 отсто, кај дизелот зголемувањето е во просек за 4,7 отсто“, информираат оттаму.
Цената на литар бензин Еуросупер БС 95 е 80 денари, а Еуросупер 98 чини 82 денари.