Хроника Директорот на ЈП „Октиси“ осомничен поради загадување на водата за пиење

Директорот на ЈП „Октиси“ осомничен поради загадување на водата за пиење

Надворешната канцеларија за криминалистички работи Струга поднела кривична пријава против Ф.Ш. (33), директор на Јавното претпријатие „Октиси“, кој се товари за злоупотреба на службената положба и овластување.

Според полициските информации, осомничениот директор, во периодот од јуни до септември оваа година, со неизвршување на својата службена должност, не обезбедил нормално функционирање на техничката апаратура на резервоарот за вода за пиење и хлорирање на водата, поради што дошло до загадување на водата што ја користат жителите на селото Октиси.