Група демонстранти упаднаа во зграда во Вашингтон каде транзициониот тим на избраниот претседател Доналд Трамп ги врши подготовките за почетокот на неговиот претседателски мандат.
На социјалните медиуми се појавија фотографии и видеоснимки од демонстрантите, организирани од американската еврејска активистичка група „Иф нот нау“, како се собираат пред и во самата зграда.
Демонстрантите бараат главниот стратегист на Трамп за Белата куќа, Стивен Банон, да биде отпуштен поради расизам и антисемитизам.
Дел од демонстрантите носат транспаренти на кои е испишано „Отказ за Банон“ (Fire Bannon) и „Еврејски отпор“ (Jewish Resistance), а фотографиите и видеоснимките на социјалните медиуми се објавуваат под истите хаштази.