Секторот за внатрешни работи Битола поднел кривични пријави против четири лица на возраст од 24 до 43 години, осомничени за неовластено производство и пуштање во промет на наркотични дроги, психотропни супстанци и прекурсори и за овозможување употреба на наркотици.
Според полицијата, осомничените во повеќе случаи набавувале и продавале дрога.
Кај нив биле пронајдени 10 шишиња со вкупно 100 милилитри метадон, ампули дијазепам, 0,49 грама кокаин, 14,25 грама марихуана и 14 алуминиумски и најлонски пакувања со вкупна маса од 2,52 грама хероин.