Дополнителниот заменик-министер за внатрешни работи, Митко Чавков, денеска испратил телеграма до директорите на Бирото за јавна безбедност и до Управата за безбедност и контраразузнавање, како и до повеќе оддели во МВР, со која ги информирал дека се должни веднаш да ја вратат воспоставената претходна состојба каква што била пред донесувањето на решенијата на министерот за внатрешни работи, Оливер Спасовски.
„Се наложува воспоставување на претходната состојба во Министерството за внатрешни работи каква што била пред донесувањето на посочените решенија за распоредување, именување и за разрешување работници во Министерството за внатрешни работи и договорот за вработување на неопределено време во МВР“, се вели во телеграмата упатена од Чавков.
