Бројот на работниците во индустријата во август 2015 година е поголем за 1,3 отсто во однос на август 2014 година, објави Државниот завод за статистика.
Бројот на работниците во секторот рударство и вадење камен во август 2015 година, во однос на август 2014 година, бележи опаѓање од 2,7 проценти, а пораст од 1,7 отсто бележи во секторот преработувачка индустрија и 0,4 отсто пораст во секторот снабдување со електрична енергија, гас, пареа и климатизација.
Според главните индустриски групи, бројот на работниците во индустријата во август 2015 година, во однос на август 2014 година, бележи пораст кај интермедијарни производи, освен енергија за 1,8 отсто и капитални производи за 16,6 проценти, додека опаѓање бележи кај трајни производи за широка потрошувачка за 0,9 отсто, нетрајни производи за широка потрошувачка за 1,2 отсто и енергија за 1,7 отсто.
Бројот на работниците во индустријата во периодот јануари-август 2015 година, во однос на периодот јануари-август 2014 година е поголем за 1,8 отсто.