Во Народниот театар во Битола пред 70 години се одгира првата театарска претстава на македонски јазик. Со едночинката „Петоимениот Ѓоре“ на Владо Малески, која ја играа актерите Димче и Ацо Стефановски, Мери Бошкова, Вера Вучкова, Јорго Цаца, Симо Георгиевски, Славче Матевски, Георги Карев и Јован Бејко, почна професионалниот театар во Македонија. Јубилејот ќе се прослави вечерва, со театарската престава „Нови хоризонти“, во која ќе настапат сите вработени во театарот. Претходно ќе се промовира фото-монографија од повеќе автори, а уредник е Билјана Трајчевска. Најстариот театар во земјава има одиграно 12.069 престави, кои ги следеле повеќе од пет милиони посетители.