Поскапи цени на бензините и дизелот од утре на бензинските станици. Бензините еуросупер БС-95 и еуросупер БС-98 ќе поскапат за еден денар за литар, а еуродизелот и екстра-лесното масло за домаќинство ќе поскапат за два денари за литар.
Од ноќеска бензинот еуросупер БС-95 на бензинските станици ќе се продава за 85,50 денари за литар, додека еуросупер БС-98 ќе може да се набави за 87,50 денари за литар. Дизелот ќе чини 76,50 денари за литар, а за еден денар поевтино ќе може да се набави екстра-лесното масло за домаќинство. Малопродажната цена на Мазутот М-1 НС се зголемува за 1,204 денари за килограм и сега ќе изнесува 43,542 денари за килограм.
„Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,790 отсто, кај дизелот за 3,634 отсто, кај екстра лесното масло зголемувањето е за 3,668 отсто и кај мазутот зголемувањето е за 3,143 отсто. Курсот на денарот во однос на доларот во изминатиот период по кој беа формирани цените со претходната пресметка е повисок за 0,422 отсто“, го образложуваат од РКЕВУ покачувањето на цените на горивата.