Двајца американски океанолози го урнаа рекордот на најдолг престој под море, престојувајќи 73 дена во подводен хотел на архипелагот Киз во сојузната американска држава Флорида за да го свртат вниманието кон заштита на океаните.
Научниците Брус Кантрел (63) и Џесика Фрејн (25) минаа точно 73 дена, два часа и 34 минути под морето, стои во соопштението на Универзитетот од Тенеси, на кој научниците работат.
Океанолозите на 3 октомври се спуштија во подводниот хотел, кој се наоѓа на осум метри под морската површина, а од него излегоа синоќа.
Претходниот рекорд за најдолг подводен престој го држеше американскиот научник Ричард Присли, кој во 1992 година, на истата локација престојуваше 69 дена.