Познатот актер Алек Болдвин и неговата сопруга, инструктрката по јога Хиларија Болдвин, го чекаат своето второ дете.
Хиларија постави слика на „Инстаграм“ на првиот ден од 2015 година, на која се гледа Алек како ја држи нивната ќерка Кармен, која го гали стомакот на својата мајка. На сликата пишува „2015 ќе биде многу возбудлива и среќни сме да објавиме дека чекаме уште еден мал додаток на нашата фамилија“.
Алек Болдвин (56) и Хиларија (30) се венчаа во јуни 2012 година и ја добија ќерката Кармен на 23 август 2013 година.
Познатиот актер од претходниот брак со Ким Бесинџер има уште една ќерка, 19-годишната Ирланд.