Охрид и Штип се следните градови во кои ќе одекнат „бомбите“ на СДСМ, во рамките на „Вистината за Македонија“.
Лидерот на СДСМ, Зоран Заев, претходно изјави дека новиот градоначалник на Охрид, Никола Бакрачески, треба да замине или, во најмала мера, да се посрамоти откако ќе одекне вистината како тој дошол до градоначалничката функција.
Тематските прес-конференции што СДСМ ги прави низ градовите во земјава, се посветени на локални теми, а на нив се објавуваат прислушувани материјали.
„Бомбите“ веќе одекнаа во Струмица, Куманово, Прилеп и во Битола.
Паралелно со локалните „бомби“, СДСМ ќе оддржува прес-конференции и од централата во Скопје, каде лидерот на партијата, Зоран Заев, ќе обелоденува нови делови од „Вистината за Македонија“.