Градоначалникот Андреј Жероновски ќе бара прием кај премиерот Никола Груевски за да побара одговор зошто Владата ја игнорира Општината и дали има намера да го додели градежното земјиште под владение на Општината. Жерновски предложил да се формира делегација составена од градоначалникот и од координаторите на советничките групи на СДСМ и на ВМРО-ДПМНЕ.
Советниците од редовите на ВМРО-ДПМНЕ не го прифатиле предлогот на Жерновски, со образложение дека тоа е надвор од нивниот делокруг на работа.
– Како може за актрактивно земјиште спроти „Џамбо“, кое се продава за едно евро од квадратен метар, да нема друг заинтересиран во цела Република? Никој не е заинтересиран за оваа парцела, само една фирма. Одбивам да влезам во политичката димензија, но верувам на сите им е јасно зошто не се доделува градежното земјиште. Во Центар земјиште се продава за 40 евра по квадратен метар. И лесно доаѓаме до одговорот зошто е ниска цената и зошто само еден надавач има при секоја продажба – вели Жерновски.
Според него, одговорот треба да се бара од премиерот затоа што според последниот одговор што Општина Центар го добила од Министерството за транспорт и врски, Владата сè уште не го формирала комитетот за продажба кој треба да одлучува по овие барања.