Не е задача на дипломатите да кажат кои се излезите од сегашната ситуација во Македонија, тоа е задача за домашните политичари, рече евроамбасадорот Самуел Жбогар за време на посетата на Штип.
На прашање како ги коментира повиците за одржување лидерска средба, евроамбасадорот порача дека дијалогот меѓу партиите треба да се одвива во институциите.
– Сметам дека секогаш е добро лидерите да комуницираат, нормално е тие да имаат контакти. Парламентот заседава и сметам дека таму имаат многу шанси за да дискутираат за проблемите. Сепак, би истакнал дека за нормално функционирање на државата, важно е да постои дијалог во институциите и да се гради авторитетот на институциите. Собранието е една од тие институции, а дијалогот меѓу партиите треба да се одвива таму – рече Жбогар.