Завршува забраната за движење на тешки товарни моторни возила на подрачје на градот, односно на оние возила чијашто најголема дозволена маса надминува 15 тони.
Екипите на ЈП„ Улици и патишта“, како изведувач на работите, по налог на Град Скопје, во текот на денешниот ден ги отстрануваат сообраќајните знаци кои беа поставени за привременото ограничување и пренасочување на товарниот сообраќај, односно привремената сообраќајна сигнализација, за безбедно и непречно одвивање на сообраќајот по уличната мрежа на град Скопје.