Заложничката криза во холандскиот град Еде која се одвиваше денес заврши со ослободување на сите заложници кои беа држени во ноќен клуб. Лицето што ги држело заложниците излезе од клубот со кренати раце и беше уапсен.
Иницијално беа ослободени тројца заложници, а подоцна беше ослободен четвртиот заложник.
Голем број специјални единици беа забележани во центарот на холандскиот град, каде беа евакуирани околу 150 домови. Холандските медиуми известуваат дека забележале робот за деактивирање бомби околу кафулето.
Нема знаци дека станува збор за терористички чин.