За една недела МВР издало потврди за престој на вкупно 3.023 државјани на Сирија, Авганистан, Ирак, Конго, Пакистан и на други земји. Од нив 2.338 се мажи, 375 се жени, а 310 се деца. До вчера, според Министерството, ниту еден од нив не побарал азил, а од стапување на законот на сила ситуацијата е значително подобрена.
Нема несреќни случаи по пругите и по патиштата или нивна злоупотреба од криминални структури, а државата има подобра евиденција на сите кои нелегално влегуваат во државата.
Во меѓувреме, полицијата расчисти три случаи на илегален транспорт на мигранти.