Српскиот премиер Александар Вучиќ денеска рече дека до крајот на 2015 година ќе отвори 23 километри од источниот крај од Коридорот 10.
– Пред неколку минути добив информација дека пред крајот на годинава, како што тоа кај нас се вели предвреме, ќе бидеме во состојба да отвориме 23 километри од источниот крај од Коридорот 10 – рече Вучиќ на приемот по повод отворањето на првите две поглавја во преговорите со ЕУ.
Планот е Коридорот 10 да биде завршен до крајот на 2016 година или најдоцна до почетокот на 2017 година.