Авганистански државјанин и неговиот малолетен син, вчеравечер загинале кога во нив удрил товарен воз кој се движел на железничката пруга Скопје – Гевгелија, информираат од полицијата.
Несреќата се случила околу 22.30 часот, кај местото Јаворица, а таткото и синот кои се движеле со поголема група авганистански државјани, илегални мигранти, починале на самото место.
За помалку од една недела, ова е трет случај во кој илегални мигранти од Авганистан и од Сирија гинат на железничките пруги во земјава.