Три собраниски седници денеска ќе се одржат во Собранието на Република Македонија.
На дневен ред на Комисијата за финансирање и буџет е предлог-законот за изменување и за дополнување на Законот за централен регистар, во прво читање.
Комисијата за транспорт и за екологија ќе расправа за предлог-законот за просторно и урбанистичко планирање, предлог-законите за изменување и за дополнување на законите за постапување со бесправно изградени објекти и за домување, сите во прво читање, како и за предлог-законите за изменување и за дополнување на законите за поштенските услуги и за градење во второ читање.
Собраниската Комисија за надзор над спроведувањето на посебната истражна мерка следење на комуникациите од страна на Министерството за внатрешни работи, Управата за финансиска полиција, Царинската управа и Министерството за одбрана, денеска на седница ќе расправа за предлог-деловникот за работа.