Вкупно 32.226 Палестинци се убиени, а 74.518 се повредени од почетокот на израелската воена офанзива врз Газа на 7 октомври, според последниот извештај на Министерството за здравство на Газа, пренесува „Гардијан“.
Во изминатите 24 часа загинале 84 Палестинци, а 106 биле повредени, се додава во соопштението на Министерството.
Медиумите управувани од Хамас соопштија дека 19 Палестинци биле убиени во градот Газа во саботата, а неколку други се ранети на кружниот тек во Кувајт додека чекале камиони со помош, пренесува Ројтерс.
„Ја преживеавме смртта, тие пукаа во нас, има многу маченици, има многу повредени, за малку ќе умревме обидувајќи се да дојдеме до храна за нашите деца“, рече Ала ал-Кудари, жител на градот Газа.
„ИД овозможи хуманитарен конвој да достави храна до луѓето во северна Газа. По приближувањето до одредената дистрибутивна точка, конвојот беше пресретнат и ограбен од стотици жители на Газа, северно од хуманитарниот коридор“, се вели во соопштението на израелската војска.