Државна изборна комисија информира дека до денеска, до 13 часот, се пријавиле вкупно 1.224 граѓани чиишто записи во избирачкиот список по извршените вкрстени и теренски проверки се спорни, односно има несовпаѓање на податоците.
„Од нив, 387 се пријавиле во подрачните одделенија и канцеларии и во дополнителните канцеларии на ДИК, додека 837 лица за пријавување ја искористиле веб-апликацијата на интернет-страницата на ДИК“, соопштија од ДИК.
Најмногу пријавени има во Чаир – 225, во Аеродром – 90, во Центар – 80 и во Кичево – 75 избирачи.