До денеска напладне вкупно 3.642 граѓани, чии записи во избирачкиот список се спорни, се пријавиле во Државната изборна комисија (ДИК), соопштуваат оттаму.
Од нив, 1.605 се пријавиле во подрачните одделенија и канцеларии, како и во дополнителните канцеларии на ДИК, додека 2.037 граѓани за пријавување ја искористиле веб-апликацијата на интернет-страницата на ДИК.
Најмногу граѓани со спорни записи во избирачкиот список се пријавиле во општините Чаир, Тетово, Сарај, Аеродром и Центар.