Во Белград се уапсени пет лица осомничени за детска порнографија, изјави министерот за внатрешни работи на Србија, Небојша Стефановиќ.
– Се завршува со претресите кај повеќе лица и досега се уапсени петмина. Жал ми е што тоа постои во нашата земја, но полицијата ќе ја работи својата работа и ќе покаже дека за тоа нема да има милост – рече Стефановиќ.
Тој информираше дека овие лица се уапсени во рамките на акцијата „Армагедон“, која континуирано се спроведува во Србија.
– Тие се здржани во полициска станица затоа што се осомничени за кривични дела поврзани со детска порнографија – вели Стефановиќ.
Според него, полицијата оваа акција ја сработила многу ефикасно и заедно со обвинителството успеала да пронајде материјали на кои се наоѓаат сцени со сексуално злоупотребување деца.