СДСМ во Струмица покажа дека нема ниту знаење ниту способност да се справува со невреме како ова што го зафати овој дел на европскиот континент, се вели во реакцијата на ВМРО-ДПМНЕ на соопштението на СДСМ, во кое се вели дека недозволиво е граѓаните да се блокирани поради неколкучасовни снежни врнежи.
– Додека градоначалникот на Струмица се шета по Халкидики, граѓаните мака мачат со неспособните градски служби кои не умеат да ги исчистат ни главните сообраќајници, а другите улици не се ниту пипнати со прст. Доколку во Струмица врне уште два дена снег, градот со ваквата неорганизираност на службите под контрола на неприсутниот Заев, ќе се врати во ледената доба – се вели во соопштението на ВМРО-ДПМНЕ.