Премиерот Никола Груевски денеска најави дека годинава со новиот владин оперативен план за вработување е предвидено да се вработат околу 8.700 лица.
Груевски рече дека со планот, за кој од буџетот ќе бидат издвоени 11,5 милиони евра, ќе бидат опфатени 13.500 лица, од кои 8.700 се очекува да се вработат, додека другите ќе бидат испратени на обуки.
Конкурсот за првата програма од оперативниот план за вработување, како што соопшти Груевски, треба да биде објавен околу 15 јануари.