Естетиката на боречките вештини преставена во видео игри знае да биде претерана, но има неколку видео игри коишто се извонренди таканаречни „тепачки игри“ (fighting games). Денес ви ја препорачуваме најдобрата -играта Tekken 7.
Во Текен (што инаку на јапонски значи „железна тупаница“) серијалот се издвојуваат три верзии на играта коишто се најигриви, а тоа се Текен 3 за PlayStation 1, Tekken Tag Tournament за PlayStation 2 и Tekken 7 што актуелно се игра и сега на светски и локални гејминг турнири и на компјутери и на конзоли.
Можеби ќе се запрашате како денес би играле игри на конзоли што не се произведуваат веќе како PlayStation 1 и 2, но за PS постои ретро компатибилност (backwards compatibility) па можете да речеме на PS3 да играте игри од PS1.
Текен 7 можете да ја купите од Steam каде е на 85% попуст до 4ти октомври (Понеделник) и чини само 6 евра наместо редовната цена од 40 евра. На самите светски и локални турнири има играчи што преферираат да играат на тастатура наместо со контролер, а „Стим“ верзијата е наменета за компјутер и секако пак можете да приклучите контролер доколку го имате.
Во Текен серијалот има неколку впечатливи ликови кои преставуваат различни боречки вештини.
Ликот на Ло (Law) е копија на Брус Ли и е најбрз лик со раце, задава брзи удари и несопирливи комбинации превземени од Винг-Чунг Кунг-фу и од Џит-Кун-До вештината на Брус Ли. И самиот Брус Ли во својата книга „Џит-кун-до” вели дека „не е важно како изгледа ударот туку колку е ефикасен“ или поточно „естетиката не е важна, само ефикасноста“. Ова секако не важи секогаш и за видео игрите затоа што најатрактивните удари знаат да бидат и најдобри. Сепак, во игрите се работи за фантазиски приказ на вештините со многу претерувања.
Ликот на Хваранг или Хоаранг (Hwoarang) e наречен така според корејските борци од среден век што биле пандан на јапонските самураи. Тој ги преставува вештините Тае-Квон-До(боречка вештина со нозе) и Хапкидо(вештина со потези за самоодбрана) кои се корејски боречки вештини и е најдобар во употребата на нозете за удари. И овој лик има несопирливи комбинации, но со удари со нозе кои се сврзуваат во комбоа што може да ја одземат енергијата на противникот многу брзо. Исто така ова е и еден од најчесто одбираните ликови, а кај нас по освојувањето на нашиот репрезентатитвец Дејан Георгиевски на сребрен медал на Олимписките игри во Токио годинава интересот за Тае-Квон-До се зголеми драстично кај младите. Еден од изгледите што се отклучуваат и бираат за Хоаранг е и Тае-Квон-До „кимоно“ што корејците го викаат „добок“. Името на вештината е Тае (скок и удар со нога) Квон (тупаница) До (начин, пат), за упатените беше малку лошо што коментаторите на телевизија го викаа спортот “Тајквондо” а поправилно и е скратената верзија – “Теквондо” а најправилно “Тае-Квон-До”.
Трет интересен лик е Еди, еден од ликовите кај кои и да се стискаат копчиња „на рандом“ ќе прави чуда со вештината Капуера. Ударите се атрактивни со многу гимнастика, вртења, танц и удари со нозе и раце и се базира на конктинуирано движење. Приказната е дека оваа вештина „Капоера“ или „Капуера“ е настаната во заробенишво на африкански робови во Бразил во 16 век каде им било забрането да тренираат боречки вештини и тренирањето го замаскирале со играње и свирење со инструменти и така вежбале.
Lei е лик што е копија на Џеки Чен, потсеќа на него во изгледот и дури има и облека што може да се избере во која личи на полицаец „во цивилка“ со значка на појасот. Ова е секако референца на еден од најпознатите филмови со Џеки Чен – наречен „Полициска приказна“ (Police Story) што фигурира во топ 20 листата на (за него) најдобри филмови според Квентин Тарантино. Кога сме кај Квентин Тарантино неговите филмови се пренасилни, но и ја пренесуваат пораката за тоа колку е глупаво насилството воопшто – затоа и така ненадејно и глупаво се случува во неговите филмови.
Но, како што е правило во сите боречки вештини да не се употребуваат никогаш за напад туку само за самоодбрана во краен случај, тоа не важи за игрите – во игрите сите сакаат да ги испробаат сите можности и што помоќни да бидат со ликовите. Ликот на Леи практикува Шаолинско кунг-фу и има неколку стилови што може да ги прави меѓу кои се чапја, тигар, змија и други што нудат различни напади со различна брзина. Легендата за Шаолините вели дека тие самите ги развиле боречките вештини гледајќи ги животните во природата околу нивните храмови и имитирајќи ги нивните движења.
Има цела плејада на други ликови со секакви вештини, но овие четири споменати ликови ги покриваат главните боречки вештини.