Венецуела регистрирала 4.700 можни случаи на вирусот зика, за кој се верува дека предизвикува оштетување на мозокот кај новороденчиња, соопшти министерството за здравство на таа земја.
– Имаме извештаи од 4.700 пациенти, за кои се сомневаме дека се заразени со новиот вирус и тоа врз база на симптомите – рече министерката за здравство, Луизиана Мело.
Таа рече дека бројот на заразените веројатно е многу поголем од регистрираниот затоа што пациентите, поради благите симптоми, извесно време не ни веруваат дека се заразени.
Светската здравствена организација верува дека вирусот е главна причина за неодамнешниот пораст на случаите на микроцефалија во регионот.
Микроцефалија или „мала глава“ е ретка неуролошка состојба кај која главата на децата е значително помала во споредба со другите деца на иста возраст и и од ист пол.