Околу стотина демонстранти се обидоа да упаднат во канцеларијата на украинскиот претседател, но обезбедувањето на зградата го спречи обидот, јавува руската телевизија „Раша тудеј“, наведувајќи дека протестот прераснал во судири на улиците.
Сè уште трае конфликтот меѓу националната гарда и демонстрантите, кои се обидоа да влезат во конференциската сала за да дадат телевизиска изјава.
Претходно, демонстрантите успеаја да го пробијат првиот безбедносен кордон, но беа спречени да влезат во зградата.
Демонстрантите бараат воведување вонредна состојба поради борбите со сепаратистите во југоисточниот дел на земјата. Тие, исто така, бараат оставка од украинските безбедносни агенции, од министерот за одбрана, па сè до обвинителот, поради нивна неефикасност.