Рускиот национален комитет за борба против тероризмот соопшти дека за време на специјалната операција во Дагестан, на северот на Кавказ, е убиен Алишаб Кебеков, лидерот на исламистичката група Кавкавски емирати.
Припадниците на групата Кавкавски емирати на својата интернет-страница објавија дека Кебеков е мртов, наведувајќи дека „нивниот брат станал маченик“.
Четириесет и тригодишниот Кебеков минатата година дојде на чело на групата, по смртта на чеченскиот лидер Доку Умаров. Кебеков е на руската листа терористи и екстремисти, а САД го прогласија за „глобален терорист“, затоа што изрази спремност да изврши наредби на Ал каеда.