Во Клубот на пратеници во Скопје, денеска ќе се одржи третата лидерска средба. На средбата ќе учествуаат Никола Груевски од ВМРО-ДПМНЕ, Зоран Заев од СДСМ, Али Ахмети од ДУИ и Медух Тачи од ДПА. Излезот од политичката криза, тие ќе го бараат пред очите на набљудувачите – американскиот амбасадор Џес Бејли и евроамбасадорот Аиво Орав.
Втората лидерска средба заврши без конкретен договор. Утредента во Стразбур, Груевски и Заев имаа десетчасовна средба со тројцата европратеници, Ричард Ховит, Иво Вајгл, Едуард Кукан и со еврокомесаорот Јоханес Хан. Од таа средба не се објавија детали за евентуално решение и за излез од политичкиот ќор-сокак.
Денеска се очекува лидерите на ДУИ и на ДПА да излезат со заедничка платформа, а СДСМ и ВМРО-ДПМНЕ треба да предложат модели за решение на неколкумесечната криза.