Градоначалникот на Град Скопје, Коце Трајановски, и министерот за здравство, Никола Тодоров, денеска го посетија првото бебе кое се роди во Новата 2017 година во Специјална болница за гинекологија и акушерство „Мајка Тереза“ – Чаир.
Трајановски на мајката Нуредини Рамадан Хикмет и на семејството им ја честиташе Новата година и им подари штедна книшка со 20.000 денари и други пригодни подароци.
Претходно и министерот за внатрешни работи, Агим Нухиу, заедно со директорот на здравствената установа „Мајка Тереза“, Башким Исмаили, на семејството им го честиташе новороденото машко бебе, при што во име на МВР им врачи скромен подарок.