Градоначалникот на Град Скопје, Коце Трајановски вели дека сè што било донесено во Советот на Град Скопје било транспарентно, а во тоа учество имала и јавноста.
– Прво би сакал да кажам дека се неточни искажувањата кои се дадени. Градот на еден крајно транспарентен начин го донесе Генералниот урбанистички план. Претходниот беше донесен во 2002 година, овој е од 2012 година. Планот е донесен во соработка со сите десет општини во Градот Скопје, во соработка со невладини организации, со стручни и со научни институции, така што имаше една огромна транспарентност во донесувањето на тој план – изјави Трајановски.