Светскиот ден на културната разновидност ќе биде одбележан денеска напладне, со пригодна програма на Универзитетот за информатички науки и технологии „Св. Апостол Павле“.
Студентите и професорите од Универзитетот ќе ги претстават културите на своите земји, петнаесетина од Америка, Африка, Азија и од Европа.
Нивната програма содржи презентација на национални носии, национални кујни, изведување традиционални песни и танци, претставување на главните карактеристики на државите и можност за фотографирање со студентите облечени во нивните традиционални национални носии.
Манифестацијата за одбележување на Светскиот ден на културната разновидност на Универзитетот „Св. Апостол Павле“ годинава се организира третпат.