Основен суд Скопје 1 на барање на Специјалното јавно обвинителство попладнево го замрзнал имотот на сопственикот на „Трансмет“, Сеад Кочан, јавува телевизија „Телма“.
Неофицијално, решението од судот опфаќало замрзнување на целиот движен и недвижен имот, како и на сметките на компаниите каде што тој има удели, меѓу кои телевизија „Нова“, градежната компанија „Трансмет“ и други.
За бизнисменот Сеад Кочан распишана е меѓународна и домашна потерница, бидејќи му е одреден притвор за случајот „Труст“.
СЈО ја отвори истрагата под име „Труст“, во која три физички лица и фирмите „Трансмет“ од Скопје, „Силекс“ од Кратово и „Вато“ од Студеничани се товарат дека со фалсификувана документација добиле тендер од ЕЛЕМ, вреден 17.235.772 евра.