Повеќе од стотина пожарникари се борат со пожарите на југот на Франција, а пожарот кој зафати 900 хектари шума на островот Корзика им се заканува на куќите, соопшти службата за вонредна состојба.
Евакуирани се жителите на Бигуље, место на североисточниот брег на островот.
Пожарникарите очекуваат дополнителна помош, имајќи предвид дека пожарот се шири кон урбаните делови на градот.
Во гаснењето на пожарот помагаат и 160 жители на местото.
Како што се наведува, во гаснењето на пожарот се вклучени три „канадери“, кои истовремено ја надгледуваат областа за да се уверат дека куќите не се зафатени од пожарот.
Пожарот што во понеделникот ја зафати областа околу градот Алерија и уништи 110 хектари земјиште е ставен под контрола.