Генералниот секретар на НАТО Јенс Столтенберг денес најави дека алијансата ќе преземе построги мерки против руски шпиони.
„Сведоци сме на бројни примери на саботажа, обиди за палење на објекти, кибернапади и дезинформации“, рече Столтенберг, на прес-конференција во Будимпешта.
Столтенберг дополни дека оваа проблематика ќе се дискутира подоцна во денот на средбата на министрите за одбрана на земјите-членки на НАТО. Министрите ќе разговараат за кои мерки НАТО може да ги преземе, меѓу кои се заштитата на критичната поморска и кибер инфраструктура и „построги ограничувања за рускиот разузнавачки персонал низ Алијансата“, вели Столтенберг.