Lideri i PDSh-së, këtë fundjave qëndroi në Strugë dhe rrethinë e saj. Për sonte është caktuar takim me të rinjtë e fshatit Labunishtë, i cili sipas numrit të banorëve, pas qytetit të Strugës është vendbanimi i dytë me më shumë banorë. Takimi do të mbahet në ora 17:00 në qendrën e Labunishtës, fshati i cili numëron afro 15.000 banorë. Në takim parashihet të marrin pjesë përfaqësues të lartë partiak si dhe anëtarë të saj.
Menduh Thaçi, filloi të vizitoi më shpesh Strugën dhe rrethinën e saj pasi që prefekti Zijadin Sela vendosi të mos i bindet. Me Selën janë edhe disa ish deputetë të PDSh-së.
Grindja mes Selës dhe Thaçit u u aktualizua gjatë zgjedhjeve të fundit parlamentare, kur partia opozitare e Strugës, PDSh-ja kundërshtoi propozimin Thaçit, për bartësin e listës të njësisë zgjedhore numër pesë.
Selën e kundërshtojnë edhe disa nga emrat më të njohur të komunës, para se gjithash, nga fusha e biznesit, për shkak të nismës për prishjen plazheve në bregun e Liqenit të Ohrit dhe në to të ndërtojë plazhe të reja bashkëkohore.
Dilaver Bojku- Leku, i cili është njëri ndër koncesionerët e plazheve të Strugës, reagoi për vendimin e ij dhe tha se Sela nuk ka vizion për Strugën.
Nuk as sensin e ndërtimtarisë e as të biznesit, por vetëm di të shkatërroj- thotë Leku, biznesmeni nga Veleshta.
Dilaver Bojku- Leku ka ndërtuar kompleks objektesh në plazhin “Akva skaj”( me dy restorante, market, 8 shtëpiza plazhi, renta- kar, platformë në liqen dhe tobogane), për të cilat pohon se 400.000 euro. Sipas vlerësimeve të tij të gjitha plazhet është investuar afro katër- pesë milion euro, në të cilat punojnë 350 – 400 persona.