Несекојдневна спасувачка мисија имал тимот на на јавното претпријатие „Лајка“. Ккао што информираат оттаму, ветеринари и заловувачи викендов спасиле далматинец кој се наоѓал во водите на реката Вардар.
„Беше пријавено и лоцирано куче од расата далматинец паднато во реката Вардар , уплашено, исцрпено и во целосно безизлезна ситуација. Благодарение на брзата и успешна интервенција, кучето беше извлечено на брегот и згрижено во прифатилиштето, се до пронаоѓањето на сопствениците. Некогаш е прашање на миг дали животното ќе загине или преживее“, наведено е во соопштението на претпријатитето.
Од „Лајка“ апелираат до сите сопственици на миленици секогаш да внимаваат на своите кучиња, да не ги пуштаат да шетаат без контрола и бидат пример за одговорно сопствеништво.