Пратениците на ВМРО-ДПМНЕ, подржани од коалициските партнери, на собраниската седница на која се расправа за измените на Уставот, денеска ги утврдија амандманите за дефицитот, јавниот долг и за судскиот совет.
За амандманот со кој се зголемува бројот на судиите во Советот, во кој нема да членуваат министерот за правда и претседателот на Советот, гласаше и пратеничката на Либералната партија, Роза Топузова-Каревска.
Според пратеникот Павле Трајанов, амандманите 38, 39 и 40 се тесно поврзани и ќе придонесат во подобрување на ситуацијата во судството.
Пратениците го утврдија и амандманот за уставната тужба.
За расправата по текстот на амандманите се потребни мнозинство од вкупниот број на пратеници, додека, пак, за усвојувањето на уставните амандмани, потребно е двотретинско мнозинство, а исто толку и за изгласување на Уставниот закон.