Кратовската полиција поднела кривична пријава против дваесет и седумгодишен скопјанец, осомничен дека извршил серија кражби во верски објекти и во продавници во градот и во околните села.
Според полициските информации, осомничениот ги извршил кражбите во текот на август и на септември оваа година, кога со соодветен алат успеал да провали во пет верски објекти и во неколку колонијални продавници.
Од верските објекти тој украл околу 60.000 денари, а од продавниците – кондиторски производи, цигари и околу 14.000 денари.
Според кривичната пријава, осомничениот С.Д. (27) се товари за тешка кражба.