„Лекари без граници“ треба да понесат одговорност затоа што не се консултирале со сириската влада за отворање болници, порача сирискиот амбасадор при ОН, Башар ел Џафари.
Тој ја обвини меѓународната организација „Лекари без граници“ со седиште во Париз дека работи за француските разузнавачки служби.
Од „Лекари без граници“ соопштија дека најмалку 11 лица настрадале во воздушен напад на болница што ѝ помага на организацијата во северната сириска провинција Идлиб.
– Таа наводна болница е отворена без дозвола на сириската влада, а таканаречените „Лекари без граници“ претставуваат разгранок на француската разузнавачка служба која дејствува во Сирија – рече Џафари.
Францускиот амбасадор при ОН, Франсоа Делетр, веднаш ја осуди сириската опозиција, оценувајќи дека сириската влада „уште еднаш го покажала своето вистинско лице“.
Џафари во понеделник ја обвини американската авијација дека ја бомбардирала болницата, додека властите во Вашингтон ги обвинија сирискиот режим и Русија.