Шведското обвинителство денеска официјално објави дека се повлекува од истрагата за сексуална злоупотреба против основачот на „Викиликс“ , Џулијан Асанж, поради застареност на случајот.
На обвинителите денеска им истекува рокот за неговото испрашување во врска со силувањето, додека рокот за испрашувањето во врска со секлсаулна злоупотреба истекува на 18 август.
Австралискиот новинар и активист ги негираше сите обвинувања, наведувајќи дека тоа е дел од валкана кампања. Од 2012 година тој се наоѓа во амбасадата на Еквадор во Лондон, каде бараше азил кога Шведска побара негова екстрадиција.
Во согласност со шведските закони, обвинение против него не може да биде покренато без претходно испрашување.
Асанж наведе дека побегнал во амбасадата на Еквадор затоа што се плаши дека Шведска ќе го испорача на САД поради објавувањето на тајните воени и дипломатски документи.