На 12 септември, ќе се одржи шестото издание на настанот „Вино на штикли“. Станува збор за вински настан, на кој посетителите ќе можат да пробаат вина од различни винарии, да вкусат различни деликатеси, како и да слушаат добра музика.
„Овој вински, но и моден и музички настан го организираме шести пат по ред годинава. Досега за учество се пријавија 20 винарии од Македонија и од странство. Посетителите ќе имаат можност за неограничена дегустација на 150 различни вина, домашни и странски“, вели Дејан Донев, претседсател на здружението за промоција на вино „Вински мускетари“, како и организатор на овој настан.
„Вино на штикли“ го поттикнува развојот на винската сцена и винската култура во државата, а придонесува и за изградба на вистинска винска заедница, од која дел се винарите и љубителите на вино.
Бројот на карти за настанот е ограничен, а истите може да се купат онлајн на овој линк.