Документите што ги има опозицијата за криминалната власт, ќе ги урнат сите дилеми и сомнежи за тоа каква власт нè води, рече заменик-претседателката на СДСМ, Радмила Шекеринска, на синоќешната средбата со граѓаните на Куманово.
– Да бидеме сите заедно бидејќи само така нема да има сила што ќе може да нè скрши. Вистината и вербата ќе бидат нашето оружје – рече Шекеринска.
Според неа, опозицијата нема да се врати во парламентот додека не седне власта да разговара и за медиумите и за пописот и за техничка влада и за избирачкиот список.